Навіны » Беларусь » 18 сакавіка 2009 а 6³³

18 сакавіка на тры пункты пашырыўся Чорны спіс гамафобаў Беларусі

Праваабарончы праект «ГейБеларусь» адрэдагаваў Беларускі Чорны спіс гамафобных асобаў і арганізацый. На сённяшні дзень спіс складаецца з 11 пунктаў: дзевяці фізічных асобаў і дзвух юрыдычных. Папярэднее абнаўленне было зроблена 11 кастрычніка 2008, ажно пяць месяцаў таму.

Зараз да спісу былі далучаны палітык Віталь Рымашэўскі, псеўда гей–актывіст Святаслаў Семянцоў і Першы музычны тэлеканал. Пры абнаўленьні спісу браліся да ўвагі таксама такія чынікі як свабода думкі, права на крытыку й сатыру, наступствы ад праявы гамафобіі таго ці іншага кандыдата. Чорны спіс ГейБеларусь пачала складаць яшчэ 3 гады таму.

Борачыся за ідэі дэмакратыі, свабоды й раўнапраўя, ЛГБТ–актывістам трэба самім бачыць тую мяжу, дзе ЛГБТ–рух можа ператвараецца ў ЛГБТ–дыктатуру й можа пазбаўляць людзей уласнай думкі, гледзішча й права свабодна выказацца. Мы не пазбаўляем людзей думкі, мы абараняемся ад агрэсіі.

Віталь Рымашэўскі трапіў у Чорны спіс гамафобаў, бо ў лістападзе 2008 заявіў у інтэрвію тэлеканалу «БелСат»: «Прапаганда сэксуальнай разбэшчанасьці — гэта зло, якое разбурае грамадзтва. Такое ж самае зло, як прапаганда фашызму альбо гвалту ў грамадзтве». Пад сэксуальнай разбэшчанасцю Рымашэўскі мае на ўвазе гомасэксуалізм. Рымашэўскі прапагандуе нецярплівасць.

Святаслаў Семянцоў трапіў у чорны спіс, бо гэты расійскі грамадзянін, які пражывае ў Беларусі, выстаўляе сябе за беларускага гей–актывіста і псуе на працягу многіх год рэпутацыю беларускага ЛГБТ–руха, заўважаны ў прамантачванні сродкаў, абражаў іншых беларускіх ЛГБТ–актывістаў і іхныя праекты. На працягу ўсёй дзейнасці займаецца правакатарствам і прадастаўленнем ілжывых звестак.

Першы музычны ТБ–канал трапіў у спіс, бо пачынаючы з 2006г. пачаў кіравацца новымі правіламі інтарактыўных сэрвісаў, дзе сярод рэкламуючых сэксуальныя паслугі, пад табу трапляюць і аб′явы гома і бісэксуальнага зместу. ЛГБТ–супольнасць лічыць гэта дыскрымінацыяй і пазбаўленнем праў. Зараз партал Gay.by высвятляе гэтае пытанне глыбей, партал звярнуўся па тлумачэнні да тэлеканалу, шэрагу адказных міністэрстваў і да прадстаўніцтва Сусветнай арганізацыі аховы здароўя ў Беларусі. 

Стваральнікі спісу заклікаюць спыніць кантакты з названымі людзьмі і арганізацыямі, па максімуме ігнараваць іх паслугі і кожны раз, па магчымасці, нагадваць ім аб іхняй гамафобіі і неадпаведнасці еўрапейскім цывілізаваным прынцыпам.

Глядзець усе прозвішчы ўдзельнікаў Чорнага спісу

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць