Навіны » Беларусь » 17 студзеня 2009 а 6¹⁷

Афіцыйна: Міністэрства абароны Рэспублікі Беларусь

15 студзеня адбылася прэс–канферэнцыя Міністэрства абароны Рэспублікі Беларусь. На пытанне журналіста газеты «Советская Белоруссия» аб выпадку ў Мазырскім вайсковым камісарыяце, што хлопец з Мазыра атрымаў адтэрміноўку, у адкрытую заявіўшы аб сваёй гомасэксуальнай арыентацыі, атрымаў адказ ад начальніка прэс–службы Міністэрства абароны Вячаслава Рэменчыка.

38 тысяч чалавек атрымалі адтэрміноўку. Большасць з іх — для працягу адукацыі. Але ў адным выпадку была іншая прычына. Нядаўна ў беларускіх і замежных СМІ з′явілася інфармацыя, што хлопец з Мазыра атрымаў адтэрміноўку, у адкрытую заявіўшы аб сваёй гомасэксуальнай арыентацыі.

– Ці не будзе гэта шчылінай для «ухілістаў»? — пацікавіўся журналіст газеты «Советская Белоруссия» і атрымаў афіцыйны адказ.

– Мы не разумеем ажыятажу, разадзьмутага вакол гэтага выпадку, — адказаў начальнік прэс–службы Міністэрствы абароны Вячаслаў Рэменчык. — Хлопцу далі адтэрміноўку на паўгады па стане здароўя.

Раней вайсковы камісар Мазырскага райваенкамата заявіў агенцтву «Інтэрфакс–Захад», каментуючы адтэрміноўку А.Палуяна (рэдактара сайта Gay.by, сябра Беларускай ініцыятывы за сэксуальнае і гендэрнае раўнапраўе — Gayby.org), што «ён ставіцца да трэцяй групы не падлеглых да закліку ва Узброеныя сілы па прычыне немэтазгоднасці».

Паводле Gay.by

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць