Навіны » Беларусь » 13 лютага 2009 а 4²⁰

Арганізатары Славянскага гей-прайда сустрэліся ў Люксембурзе з чальцом ПАРЕ Жанам Хюсам

З удзелам люксембургскага дэпутата былі праведзены круглы стол і прэс-канферэнцыя. Сустрэча адбылася ў офісе Партыі Зялёных, дзе дэлегацыя гей-актывістаў з Расіі і Беларусі апынулася ў межах свайго еўрапейскага турнэ.

Жан Хюс з’язляецца чальцом Парламенцкай Асамблеі Рады Еўропы і вядомы сваёй талерантнай пазіцыяй адносна ЛГБТ-супольнасці, у прыватнасці менавіта ён даслаў ужо тры запыты ў Камітэт Міністраў Рады Еўропы (у 2006, 2007 і 2009 гадах) з нагоды забароны мірных маніфестацый Маскоўскага гей-прайда.

Арганізатар маскоўскага гей-прайда Мікалай Аляксееў падзякаваў люксембургскаму дэпутату за яго актыўнасць у Радзе Еўропы ў падтрымку свабоды сходаў для расійкіх гомасэксуалаў.

У сваю чаргу старшыня праекта ГейБеларусь Сяргей Андросенка распавёў аб супрацоўніцтве з Беларускай Партыяй «Зялёныя» і аб стане правоў чалавека ў Беларусі.

На сустрэчы ў Люксембурзе Жан Хюс падкрэсліў, што правы чалавека стаяць на першым месцы для Партыі Зялёных. На наступным тыдні Жан Хюс мае намер унесці на разгляд у парламент Люксембурга пытанне аб афіцыйным прызнанні Міжнароднага дня супрацьстаяння гамафобіі (IDAHO). Шэраг еўрапейскіх краін, разам з Францыяй і Бельгіяй, ужо прызнаюць гэты дзень на афіцыйным узроўні. На думку Хюса, Люксембург, хутчэй за ўсё, таксама зробіць гэта.

Аўтар артыкулу: ГейБеларсь

 Надрукаваць  Адаслаць спасылку сябру  Атрымаць копію  Камэнтаваць