Навіны » Беларусь » 16 лютага 2009 а 15²³

Беларускі і замежныя гей-актывісты правялі пікет каля штаб-кватэры ААН у Жэневе (+фота)

15 лютага гей-актывісты правялі пікет і накіравалі ліст на імя генеральнага сакратара ААН у падтрымку свабоды сходаў гомасэксуалаў у Расіі і Беларусі. Гей-актывісты правялі пікет каля штаб-кватэры Арганізацыі Аб’яднаных Нацый у Жэневе ў падтрымку свабоды сходаў для гомасэксуалаў у Беларусі і Расіі. Яны таксама накіравалі ліст генеральнаму сакратару ААН сп. Пан Гі Муну з заклікам пасадзейнічаць саблюдзенню свабоды сходаў у Беларусі і Расіі.

У пікеце прынялі ўдзел кіраўнік праваабарончага праекта ГейБеларусь Сяргей Андросенка, актывісты расійскага праваабарончага праекта ГейРасія Мікалай Аляксееў, Юрась Гаўрыкаў і Мікалай Баеў, а таксама прадстаўніцы лесбі-супольнасці Жэневы з арганізацый «L’Estime» і рэдакцыі жэнеўскага ЛГБТ-часопіса і сайта 360.сh.

У пікеце таксама ўдзельнічаў заснавальнік Міжнароднага дня супрацьстаяння гамафобіі (IDAHO), французскі гей-актывіст Луі-Жорж Тан. У снежні мінулага года 66 краін ААН паставілі подпісы пад заявай аб усеагульнай дэкрыміналізцыі гомасэксуальнасці, ініцыятарам якой выступіў менавіта Луі-Жорж Тан.

Маніфестанты трымалі плакат з надпісам па-ангельску: «Расія і Беларусь забаранілі ўсе маніфестацыі геяў. ААН павінна дзейнічаць!!! Кожны мае права на свабоду мірных сходаў».

Актывісты асабліва адзначылі, што артыкул 20 Усеагульнай дэкларацыі правоў чалавека гарантуе права на свабоду мірных сходаў усім людзям. Беларускі і расійскія гей-актывсты накіравалі ліст на імя генсака ААН Пан Гі Муна. У ім яны заклікалі ААН забяспечыць рэалізацыю права на свабоду сходаў для гомасэксуальных грамадзян, якое рэгулярна парушаецца ўладамі гэтых краін.

Удзельнікі пікета скандзіравалі лозунгі па-ангельску: «Што мы хочам? Свабоды! Дзе мы хочам яе? У Маскве, у Мінску!», «Што мы хочам? Гей-прайд! Дзе мы яго хочам? У Маскве, у Мінску!».

Пікет выклікаў вялікую цікаўнасць у мінакоў і тырыстаў каля будынку ААН у Жэневе. Некаторыя з іх фатаграфаваліся з маніфестантамі і вясёлкавымі сцягамі.

Улады і паліцыя швайцарскага горада не выказалі ніякага непакою з нагоды правядзення маніфестацыі на плошчы Нацый. Падчас дэманстрацыі прысутнічаў толькі 1 паліцэйскі.

Нагадаем, што публічная акцыя ў Жэневе адбылася ў межах еўрапейскага турнэ арганізатараў Славянскага гей-прайда ў падтрымку права на свабоду сходаў у Беларусі і Расіі.

13 лютага падобная маніфестацыя адбылася на цэнтральнай плошчы французскага Страсбурга.

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць