Навіны » Беларусь » 17 сьнежня 2008 а 7⁴⁸

Еўрапейская Камісія увесь час паднімае пытанне правоў ЛГБТ у стасунках з Беларуссю

16 снежня быў атрыманы ліст з Упраўлення Ўсходняй Еўропы Генеральнага ўпраўлення знешніх адносінаў Еўрапейскай Камісіі ў Брусэлі. Ліст прыйшоў на імя беларускага гей–актывіста Сяргея Андросенкі.

«Дарагі, сп. Андросена, дзякуй за ваш ліст ад 18 лістапада прэзідэнту Баросса адносна становішча лесбіянак, геяў, бісэксуалаў і транссэксуальных людзей у Беларусі. Прэзідэнт Баросса папрасіў, каб я адказаў ад яго імя.

Еўрапейская Камісія увесьчасна паднімае праблемы правоў чалавека, уключаючы правы ЛГБТ–супольнасці, калі мы сустракаемся з беларускімі ўладамі.

Частковае і ўмоўнае прыпыненне санкцый і аднаўленне міністэрскіх перамоў з 13 кастрычніка дазваляе нам перадаваць больш прама тое, што мы чакаем ад Беларусі і адкрыта схіляцца да дэмакратызацыі, павагі да правоў чалавека і прававых нормаў. Калі гэта датычыцца грамадскіх арганізацый, прасоўванне свабоды сходаў, свабоды асацыяцый і свабоды слова асабліва важна.

Калі ласка, будзьце ўпэўнены, што дэмакратыя і павага правоў чалавека, з′яўляюцца, і працягуць быць, асноўнымі элементамі ў нашых кантактах з беларускімі ўладамі. Мы працягнем пільна сачыць за сітуацыяй у Беларусі, уключаючы пытанні, якія Вы паднялі.

Шчыра ваш John Kjaer» - пішацца ў лісце.

Раней у сваім лісце ў Еўрапейскую Камісію Сяргей АНДРОСЕНКА выказаў непакой з нагоды афіцыйнай забароны вулічных акцый гомасэксуалаў у Беларусі, даўлення на бізнэсоўцаў, якія хочуць працаваць з гомасэксуаламі і адсутнасці дзяржаўнай падтрымкі руху па барацьбе з гамафобіяй.

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць