Навіны » Беларусь » 10 сакавіка 2009 а 8¹²

Гей–актывіст упершыню стаў госцем беларускай Асамблеі няўрадавых арганізацый і ініцыятыў

Лідар праваабарончага праекта ГейБеларусь Сяргей Андросенка стаў госцем 6–ай Асамблеі няўрадавых арганізацый і ініцыятыў, якая праходзіла ў Мінску 7 і 8 сакавіка. Асамблея сабрала больш за 300 удзельнікаў з усёй Беларусі, у тым ліку прысутнічалі такія асобы як Стэфан Эрыксан, Аляксандар Мілінкевіч, Вінцук Вячорка і Аляксанадар Казулін. Прысутнічала шмат іншых выбітных асобаў беларускага грамадскага сектара.

Сяргей Андросенка аб удзеле кажа наступнае: «Безумоўна, гэта станоўчы крок. Няма нічога лепшага за ўплыў пры асабістым кантакце. Не ўсе мне былі рады па–праўдзе, нават з маіх знаёмых: ці жарт засвяціцца ў кампаніі з гей–актывістам на такім мерапрыемстве — яшчэ самога за гея прымуць. Гамафобія прысутнічала, негвалтоўная, але, збольшага правай беларускай апазіцыі, гэта рыса вельмі ўласціва. Нашмат лягчэй было знаходзіць агульную мову з прадстаўнікамі маладога пакалення — такім чынам у мяне атрымаўся добры кантакт з актывісткамі Моладзі БНФ. Практычнай карысці ад удзелу пакуль ніякай — ЛГБТ–тэма на Асамблеі не краналася ўвогуле, але гэта справа часу. ГейБеларусь на сёння з′яўляецца кандыдатам на ўступленне ў Асамблею НДА, аб выніках разгледжання нашай заявы стане вядома да траўня месяца. Хіба толькі прымушае хвалявацца вялікая колькасць кансерватыўных палітыкаў у складзе Працоўнай групы Асамблеі, якія могуць затармазіць працэс далучэння да Асамблеі. Але нашы сябры паведамяць нам прозвішчы тых палітыкаў і грамадскіх дзеячоў, якія прагаласуюць супраць нашага ўдзелу у Асамблеі — гэта будзе супярэчыць прынцыпам дзейнасці Асамблеі. Мы гатовы да адмовы ў далучэнні, але не змаўчым гэты факт».

Да іншага Асамблея патрабуе спыніць усе формы палітычнага перасьледу.

Амаль 330 удзельнікаў Асамблеі прынялі заяву з заклікам да ўладаў спыніць усе формы палітычнага пераследу. Яны заклікалі вызваліць асобаў, якія знаходзяцца за кратамі ў звязку з іх грамадска–палітычнымі перакананнямі, у тым ліку Арцёма Дубскага, Мікалая Аўтуховіча, Юрыя Лявонава і Уладзімера Асіпенку. Таксама перагледзець вынікі “працэсу 14–ці”, спыніць практыку палітычна матываваных звальненняў з працы, адлічэння з навучальных установаў і гвалтоўнага прызыву на вайсковую службу. Таксама у адмысловай рэзалюцыі дэлегаты заклікалі адмяніць палітычныя артыкулы Крымінальнага кодэксу і наблізіць да заяўляльнага прынцыпу рэгістрацыі грамадзкіх аб′яднаньняў, перагледзець неабгрунтаваныя адмовы ў рэгістрацыі. Паводле палітолага Юрыя Чавусава, рэзалюцыя Асамблеі адрасавана і еўрапейскім структурам, якія вядуць дыялог з афіцыйным Мінскам.

Сяргей Мацкевіч адзначыў наяўнасьць перашкодаў з боку ўладаў у дзейнасьці няўрадавых арганізацый:

“Мы гэта абмяркоўвалі і лічым, што перашкоды застаюцца. Зявіліся, на жаль, новыя формы пераследу актывістаў. Глабальных зменаў не назіраецца ні ў цэнтры, ні ў рэгіёнах. Можа змянілася рыторыка ўладаў да больш памяркоўнай. А ў сваіх дзеяннях яны ўсё роўна кіруюцца тым заканадаўствам, якое ёсьць, а яно ў вялікай ступені рэпрэсіўнае. І тымі звышмэтамі — не дапусціць да легальнай дзейнасці апанэнтаў улады. Мы жадаем, каб гэта памянялася”.

Адзін з заснавальнікаў Асамблеі, намеснік старшыні Партыі БНФ Вінцук Вячорка адзначыў, што Асамблея адбылася, нягледзячы на спробы ўладаў “закатаць пад асфальт грамадскую актыўнасць дэмакратычных ініцыятываў. Улада палітызуе тое, што ў нармальным грамадстве палітызаваным быць не павінна. Была тут дыскусія ў якой ступені мусяць быць палітызаванымі рашэнні і патрабаваньні грамадзкіх арганізацый. Яны змушана ёсць такімі, бо ўлада аказваецца, любую незалежную ад сябе ініцыятыву, апрыёры трактуе як варожую. Якую трэба альбо падпарадкаваць сабе, чым, фактычна, знішчыць, альбо проста знішчыць”.

Аўтар артыкулу: GayBelarus

 Надрукаваць  Адаслаць спасылку сябру  Атрымаць копію  Камэнтаваць