Навіны » Беларусь » 8 кастрычніка 2009 а 6³⁵

Гей-актывісты сустрэліся з шэрагам еўрапейскіх дыпламатаў

У ходзе падрыхтоўкі міжнароднай 5 беларускай ЛГБТ-канферэнцыі актывісты з праекта «ГейБеларусь» распавялі пра становішча беларускай ЛГБТ-супольнасці дыпламатам з Францыі, Швецыі, Венгрыі і Еўракамісіі.

Кіраўнік праваабарончага праекта «ГейБеларусь» Сяргей Андросенка і намеснік кіраўніка «ГейБеларусі» Сяргей Прадзед наведалі амбасаду Швецыі ў Беларусі, амбасаду Францыі ў Беларусі, а таксама прадстаўніцтва Еўрапейскай Камісіі ў Беларусі, каб распавесці пра становішча ЛГБТ-супольнасці ў Беларусі, пра кантакты з дзяржаўнымі структурамі і недзяржаўнымі арганізацыямі, пра дасягненні беларускага ЛГБТ-руху і ягоныя цяжкасці.

Зацікаўленасць становішчам беларускага ЛГБТ-руху выказала і амбасада Венгрыі.

Сяргей Андросенка: «Еўрапейскія палітыкі часта не ведаюць пра становішча беларускай ЛГБТ-супольнасці або ведаюць скажоную інфармацыю, інфармацыю, якая не адпавядае рэчаіснасці, мы імкнемся пераадолець гэтую сітуацыю. Дзейнасць нашага праекта накіравана таксама на актыўнае асвятленне парушэння правоў ЛГБТ-супольнасці і агучванне фактаў дыскрымінацыі на падставе сэксуальнай арыентаці і гендарнай ідэнтычнасці таксама і за межамі Беларусі, але сапраўдных фактаў.

Таксама мы расказваем зараз дыпламатам аб тым, што ў траўні 2010 года маем намер правесці ў Мінску Славянскі гей-прайд. Падрыхтоўка Прайду пачалася».

Аўтар артыкулу: ГейБеларусь

 Надрукаваць  Адаслаць спасылку сябру  Атрымаць копію  Камэнтаваць