Навіны » Беларусь » 6 лістапада 2009 а 3⁴⁹

ГейБеларусь чакае рэакцыю ад заканадаўчай і выканаўчай улады на Мінскую Рэзалюцыю аб правах ЛГБТ

У кастрычніку праваабрончым праектам «ГейБеларусь» беларускай заканадаўчай і выканаўчай уладзе была разаслана Мінская рэзалюцыя аб правах геяў, лесбіянак, бісэксуалаў і трансгендарных людзей, прынятая 26 верасня ў Мінску на Пятай беларускай міжнароднай ЛГБТ-канферэнцыі «ЛГБТ-рух і няўрадавыя арганізацыі. Перспектывы супрацоўніцтва з сектарам НДА і актыўнай грамадзянскай супольнасцю для пераадолення гамафобіі ў Беларусі».

Рэзалюцыя заклікае да рэальных захадаў у абарону правоў беларускай ЛГБТ-супольнасці і ўтрымлівае сем пунктаў:

1. Унесці ў пералік заканадаўча забароненых падстаў для дыскрымінацыі паняцці сэксуальнай арыентацыі і гендарнай ідэнтычнасці;
2. Унесці ў крымінальнае заканадаўства папраўкі, якія тычацца забароны распальвання нянавісці і варожасці па прыкмеце сэксуальнай арыентацыі і гендарнай ідэнтычнасці;
3. Ураўняць у правах аднаполыя і разнаполыя сямейныя пары;
4. Афіцыйна прызнаць 17 траўня ў Рэспубліцы Беларусь Днём супрацьстаяння гамафобіі;
5. Аказваць садзейнічанне ў правядзенні мерапрыемстваў супраць гамафобіі ў Беларусі, уключаючы садзейнічанне правядзенню 15 траўня 2010 года мерапрыемстваў Славянскага гей-прайда ў Мінску;
6. Прызнаць права арганізацый геяў, лесбіянак, бісэксуалаў і трансгендарных людзей на дзяржаўную рэгістрацыю;
7. Спыніць практыку блакавання доступу да ЛГБТ інтэрнэт-рэсурсаў.

Рэзалюцыя была даслана на імёны вышэйшых беларускіх чыноўнікаў, якія адказныя за выкананне паднятых пытанняў:

• Прэзідэнту Рэспублікі Беларусь Лукашэнку Аляксандру Рыгоравічу;
• Старшыні Адміністрацыі Прэзідэнта Макею Уладзіміру Уладзіміравічу;
• Прэм’ер-міністру Беларусі Сідорскаму Сяргею Сяргеевічу;
• Старшыні Савета Рэспублікі Нацыянальнага Схода Рэспублікі Беларусь Батуру Барысу Васільевічу;
• Старшыні Палаты прадстаўнікоў Нацыянальнага Схода Беларусі Андрэйчанку Уладзіміру Паўлавічу;
• Міністру ўнутраных спраў Куляшову Анатолю Нілавічу;
• Міністру юстыцыі Галаванаву Віктару Рыгоравічу;
• Міністру інфармацыі Русакевічу Уладзіміру Васільевічу;
• Міністру сувязі і інфарматызацыі Пантэлею Мікалаю Пятровічу;
• Міністру культуры Латушку Паўлу Паўлавічу;
• Міністру адукацыі Радзькову Аляксандру Міхайлавічу;
• Выконваючаму абавязкі старшыні Мінскага гарадскога выканаўчага камітэта Ладуцьку Мікалаю Аляксандравічу;
• Старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па правах чалавека, нацыянальным дачыненням і сродках масавай інфармацыі Кулакоўскаму Юрыю Аляксандравічу.

Аўтар артыкулу: ГейБеларусь

 Надрукаваць  Адаслаць спасылку сябру  Атрымаць копію  Камэнтары