Навіны » Беларусь » 21 сьнежня 2009 а 17³⁵

«ГейБеларусь» стала часткай Альтэрнатыўнай моладзевай палітыкі Беларусі

Услед за прыняццём у склад Асамблеі няўрадавых дэмакратычных арганізацый, «ГейБеларусь» прынялі ў моладзевую асамблею. Зараз ЛГБТ-арганізацыя будзе мець магчымасць напрамкі ўплываць на недзяржаўную моладзевую палітыку ў Беларусі.

Альтэрнатыўная Моладзевая Палітыка ці АМП — гэта новая прастора для маладых людзей, у якой моладзь праз моладзевыя арганізацыі ці ініцыятывы можа рэалізаваць сябе. Мэта АМП — кансалідацыя моладзевых арганізацый і ініцыятыў, абарона правоў моладзі на свабоду аб'яднанняў і асацыяцый. АМП хоча стварыць такую прастору, якая б дапамагала моладзевым ініцыятывам развівацца.

Перадумовы стварэння канцэпцыі АМП:

• манапалізацыя моладзевай палітыкі дзяржавай (у асобах БРСМ, БРПА, КМА);
• выключэнне з моладзевай палітыкі ўсіх незалежных моладзевых і дзіцячых аб'яднанняў;
• мэта сучаснай дзяржаўнай моладзевай палітыкі - падтрымка аўтарытарнага рэжыму.

Альтэрнатыўная моладзевая палітыка:

• У аснове – еўрапейскія дэмакратычныя каштоўнасці;
• Ініцыятыва па распрацоўцы і рэалізацыі моладзевай палітыкі зыходзіць ад самай моладзі;
• Моладзевыя лідары прымаюць рашэнні і нясуць за іх адказнасць нароўні з дзяржаўнымі структурамі;
• Справядлівае размеркаванне рэсурсаў паміж арганізацыямі і ініцыятывамі на конкурснай аснове;
• Магчымасці для беларускай моладзі рабіць выбар у адукацыі, працы, адпачынку, грамадзянскай актыўнасці не асцерагаючыся палітычнага пераследу.

Падрабязней:

пра Альтэрнатыўную моладзевую палітыку
пра Грамадскую ініцытыятыву «Праваабарончы праект «ГейБеларусь»
 

Аўтар артыкулу: ГейБеларусь

 Надрукаваць  Адаслаць спасылку сябру  Атрымаць копію  Камэнтаваць