Навіны » Беларусь » 18 сьнежня 2008 а 7⁵⁸

ЛГБТ–актывісты накіравалі зварот у МЗС краіны і прадстаўніку Беларусі пры ААН з просьбай падтрымаць заяву ААН

Учора, 17 снежня, актывісты Беларускай ініцыятывы за сэксуальнае і гендэрнае раўнапраўе накіравалі зварот на імя Міністра замежных спраў Беларусі Сяргея Мартынава і Пастаяннаму прадстаўніку Рэспублікі Беларусь пры Арганізацыі Аб′яднаных Нацый Андрэю Дапкюнасу, з просьбай падтрымаць заяву аб парушэннях правоў чалавека, заснаваных на сэксуальнай арыентацыі і гендэрнай ідэнтычнасці, і паставіць подпіс ад Беларусі.

Гэты дакумент будзе афіцыйна прадстаўлены 18 снежня 2008г. на паседжанні Генеральнай Асамблеі ААН у Нью–Ёрку.

«Паслядоўная прыхільнасць прынцыпам гуманізму і актыўная роля ў справе забеспячэння саблюдзення правоў чалавека па ўсім свеце толькі ўмацуе пазіцыі нашай краіны на міжнароднай арэне і пацвердзіць скіраванасць нашай краіны да павагі правоў і свабод чалавека» — гаварыцца ў заяве.

«Дэкларацыя заклікае да павагі і саблюдзення ўсіх фундаментальных правоў і свабод чалавека без адрознення сэксуальнай арыентацыі і гендэрнай ідэнтычнасці, што развівае ў грамадстве памяркоўнасць. Памяркоўнасць, абароненая законам — ёсць гарантыя ўсіх свабод. Яны ж ляжаць у аснове правоў чалавек. Прыняўшы дэкларацыю, Беларусь стане больш дэмакратычнай краінай, узмацніць супрацьстаянне ўсім праявам тыраніі і несправядлівасці» — падкрэсліваюць актывісты ініцыятывы.

Асноўнае пасланне да ўрадаў краін свету, якое змяшчаецца ў дакуменце: усеагульнасць правоў чалавека, якія ў роўнай ступені павінны ўжывацца да людзей гомасексуальнай, бісэксуальной арыентацыі і трансгендэрных асобаў.

У праекце заявы асуджаецца гвалт, выкліканы гамафобіяй і нянавісцю да трансгендераў. Дзяржавы свету будуць закліканыя прыняць усе неабходныя меры, асабліва заканадаўчага і адміністрацыйнага характару, для таго, каб гарантаваць, што сэксуальная арыентацыя і гендэрная ідэнтычнасці не пры якіх акалічнасцях ня могуць будуць з′яўляцца падставай для крымінальнага пераследу, асабліва кары і турэмнага зняволення.

Разам з тым, заява не набудзе сілы дакумента, абавязковага да выканання, паколькі яно не будзе прымацца ў форме рэзалюцыі.

У цяперашні час добраахвотныя гомасексуальныя адносіны паміж сталымі людзьмі з′яўляюцца крымінальна каральнымі ў 86 дзяржавах, а гэта амаль палова краін зямнога шара. Больш таго, у дзевяці дзяржавах, такіх як Іран і Саўдаўская Аравія, за мужалоства прадугледжана смяротная кара.

Праект Заявы па сэксуальнай арыентацыі і гендэрнай ідэнтычнасці занесены на разгляд ААН Францыяй, якая сёння старшынствуе ў Еўрапейскім Саюзе.

У дадзены момант праект дакумента парафіраваны наступнымі краінамі па рэгіёнах. Афрыка: Габон, Кабо–Вердзе, Маўрыкій, Сан–Томэ і Прынсіпі, Цэнтральна–Афрыканская Рэспубліка. Азія: Арменія, Грузія, Ізраіль, Кіпр, Непал, Японія. Цэнтральная і Ўсходняя Еўропа: Албанія, Балгарыя, Боснія і Герцагавіна, Вугоршчына, Латвія, Літва, Македонія, Польшча, Румынія, Сербія, Славакія, Славенія, Харватыя, Чарнагорыя, Чэхія, Эстонія. Амерыка: Аргентына, Бразілія, Венесуэла, Канада, Куба, Мексіка, Уругвай, Чылі, Эквадор. Заходняя Еўропа: Аўстрыя, Андора, Бельгія, Вялікабрытанія, Нямеччына, Грэцыя, Ірландыя, Ісландыя, Іспанія, Італія, Данія, Ліхтэнштайн, Люксембург, Мальта, Нідэрланды, Нарвегія, Партугалія, Сан–Марына, Фінляндыя, Францыя, Швейцарыя, Швецыя. Рэгіён Аўстраліі і Акіяніі: уласна Аўстралія і Новая Зеландыя.

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць