Навіны » Беларусь » 10 лістапада 2008 а 5⁵⁶

Марына ЧЭН і Вольга КРАЎЗЭ выступілі ў Менску (+фота й візія)

Творчы паэтычна–музычны вечар легенды піцерскага андэграўнду Вольгі Краўзэ і паэта–натхніцеля «Начных снайпераў» Марыны Чэн адбыўся ў Менску 9 лістапада ў клюбе «6_А». Канцэрт у Менску, стаў адным з дзесяткаў, якія праходзяць з сакавіка ў рамках тура выканаўцаў у Расеі, Беларусі, Украіне і Малдове.

Марына Чэн і Вольга Краўзэ, два найболей вядомых і папулярных сёньня ў лесьбі–аўдыторыі ўсходняй Эўропы паэта. На творчы вечар прыйші сапраўдныя прыхільнікі творчасьці аўтараў, якім легенды піцерскага андэграўнду прадставілі свае лепшыя творы. Сваю праграму Вольга Краўзэ і Марына Чэн прадставілі ў форме экспромту. Яны проста выйшлі й пачалі адзін аднаму чытаць свае новыя і старыя вершы, сьпяваць і падпяваць песенькі.

Варта адзначыць, што гэты першы выступ прадстаўнікоў гей–лесьбі сцэны ў Беларусі, але беларуская публіка вельмі цёпла сустрэла гасьцей.

55–летняя Вольга Краўзэ — адна з самых прыкметных асобаў расійскай лесбі–супольнасці. У яе дагэтуль захаваўся чалецкі білет пад нумарам два Асацыяцыі абароны правоў геяў і лесьбіянак «Крылы», створанай у самым пачатку 1990–х гадоў, Вольга Краўзэ ачольвала «Клуб незалежных жанчын», выдавала альманах «Вячоркі», пазьней — стала адной са стваральнікаў часопісу «Гей, славяне!».

Вольга Краўзэ — ня толькі жывы дух піцерскіх і маскоўскіх кватэрнікаў 1980–1990–х гадоў. У 2005 годзе яна проста «Сарвалася з ланцуга», выпусціўшы аднайменны альбом. У 2006 выйшаў яе другі дыск «Любімыя песьні пад гітару». А у 2007 годзе — кніга вершаў «Ё–маё».

Марына Чэн, аўтар двух паэтычных кніг — «У гэтым горадзе ліхтароў» і «Выпадковыя погляды», застаецца адной з самых папулярных пэрсонаў у расейскай лесьбі–супольнасці. Яе творчыя вечары праходзяць зь вялікім посьпехам у шматлікіх гарадах СНД.

Аўтар артыкулу: Сяргей, фота Аляксандра ПАЛУЯНА (Gay.by)

 Надрукаваць  Адаслаць спасылку сябру  Атрымаць копію  Камэнтары