Навіны » Беларусь » 27 кастрычніка 2008 а 7⁴⁰

Менгарвыканкам не дазволіў гомасэксуалам пікет каля расейскай амбасады

Галоўны ідэоляг беларускай сталіцы сп. Ціцянкоў, разгледзеўшы просьбу беларускіх ЛГБТ–актывістаў на правядзеньне пікету каля будынку Амбасады Расейскай Федэрацыі ў Менску 27 кастрычніка, падчас якой плянавалася перадачага Адкрытага звароту да Пасла Расеі ў Беларусі й Старшыні расейскага Ўраду, адмовіў у такой магчымасьці.

У сваёй адмове, якая была атрыманая ЛГБТ–актывістамі 25 кастрычніка, сп. Ціцянкоў тлумачыць гэта тым, што «паданая заява не адпавядае патрабаваньня Закона Рэспублікі Беларусь «Аб масавых мерапрыемствах у Рэспубліцы Беларусь».

Таксама варта адзначыць, што менавіта сп. Ціцянкоў адмовіў беларусім ЛГБТ–актывістам у правядзеньні вулічнай акцыі ў Менску падчас Месяцу барацьбы з гамафобіяй–2008 у траўні бягучага году, якая плянавалася быць праведзенай у сквэры на Гарадзкім Валу.

ЛГБТ–актывісты выказалі намер шукаць магчымасьць сустрэцца з галоўным менскім ідэолягам, каб разгледзець магчымасьць супрацоўніцтва.

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць