Навіны » Беларусь » 20 студзеня 2010 а 19³⁵

Праваабарончы цэнтр «Вясна» ўнёс у Агляд-хроніку парушэнняў правоў чалавека ў Беларусі ў 2009 годзе затрыманні гей-актывістаў

Такім чынам затрыманні актывістаў Праваабарончага праекта «ГейБеларусь» каля Амбасады Ірана і пакаранні штрафамі за ўдзел і арганізацыю гуманістычнай акцыі знайшлі адлюстраванне і ў агульнабеларускім маніторынгу парушэнняў правоў чалавека ў Беларусі.

Праваабрончы цэнтр «Вясна» ў падзеле Адміністратыўныя затрыманьні і пакараньні грамадзка-палітычных актывістаў рэзюмуе:

«17 сьнежня Савецкі райсуд сталіцы пакараў Аляксандра Гагарына, удзельніка акцыі пратэсту каля амбасады Ірана, якая адбылася ў Менску напярэдадні. Прадстаўнікі сэксуальных меньшасьцяў выступілі супраць існаваньня ў Іране закону, паводле якога за гомасэксуалізм караюць сьмерцю. Актывіст ЛГБТ-руху А. Гагарын аштрафаваны паводле ч.1 арт. 23.34 КаАП за ўдзел у несанкцыянаваным пікеце на 3 базавыя велічыні (105 тыс. руб). Суд над двума іншымі ўдзельнікамі пікету адбыўся пазьней – 23 сьнежня. Судзьдзя Савецкага райсуду Аксана Рэлява прызнала Сяргея Андросенку арганізатарам масавага мерапрыемства і пакарала паводле ч.2 арт. 23.34 КаАП штрафам у памеры 25 базавых велічыняў (875 тыс.руб.), Сяргей Прадзед паводле ч.1 арт. 23.34 КаАП артымаў 10 базавых велічыняў (350 тыс.руб.)».
 

Аўтар артыкулу: ГейБеларусь

 Надрукаваць  Адаслаць спасылку сябру  Атрымаць копію  Камэнтары