Навіны » Беларусь » 10 чэрвеня 2009 а 13³⁸

Славянскі гей–прайд 2009 скончыўся, Прайд працягваецца

З 10 па 13 чэрвеня ў Мінску будзе знаходзіцца група гасцей з Расіі, а менавіта з Галоўнага Гей–радыё Расіі і праваабарончага праекта ГейРасія. Наведаць Беларусь завіталі актывісты расейскага гейскага руху, удзельнікі Славянскага гей–прайда 2009, не проста так, яны тлумачаць гэта тым, што «засумавалі па беларускіх рабятах пасля Прайда ды і трэба вызначыцца з бліжэйшымі акцыям супраць гамафобіі ў нашых краінах». Пасля заснавання руху Славянскага гей–прайда супрацоўніцтва ператварылася не проста ў партнёрства, а ў шчырае сяброўства. Славянскі гей–прайд становіцца больш, чым проста акцыяй, Славянскі гей–прайд становіцца дзейсным згуртанваным міжнародным рухам.

Сёння праект ГейБеларусь склікае на вячоркі сваіх сяброў, а 20 гадзіне пачнецца вечарына «Шчасце быць разам». Таксама бліжэйшымі днямі беларускія гей–актывісты арганізуюць шэраг мерапрыемстваў для сваіх расійскіх калег: яна пазнаёмяць гасцей з Мінскам, сходзяць на экалагічны пікнік у Лошыцу, наведаюць усе знакавыя гей–месцы беларскай сталіцы, арганізуюць семінар, запіс некалькіх перадач для Галоўнага Гей–радыё Расіі.

Актывісты абодвух краін ужо абмяняліся сімвалічнымі падарункаммі. Але самае галоўнае, што актывсты дораць адзін аднаму — гэта веру і падтрымку. Актывісты абодвух краін з ўсіх узгаданых праектаў на практыцы даказалі моц сваёй прынцыповай пазіцыі, сваю салідарнасць і братэрскую падтрымку.

Славянскі гей–прайд 2009 скончыўся, Прайд працягваецца!

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць