Навіны » Беларусь » 7 студзеня 2009 а 4⁵⁶

Транс-Калядкі ўпершыню адбыліся ў Мінску (+фота)

Афішаваная культурна-творчая акцыя трансвестытаў, транссэксуалаў і з імі салідарных у Мінску адбылася. Транс-Калядкі прайшлі ў заможным раёне элітнай забудовы ў мікрараёне Усход, за Нацыянальнай бібліятэкай Рэспублікі Беларусь, па вуліцах Валенція Ваньковіча, Ігната Буйніцкага і да іх прылеглых. Да акцыі таксама далучылася маладая беларуская травесці-дзіва Сымона ГЛАМ, яна была Снягуркай. Акцыя была арганізаваная Беларускай ініцыятывай за сэксуальнае і гендэрнае раўнапраўе.

На Транс-Калядкі прыйшло паўдзельнічаць, як і планавалася, 15 чалавек, хлопцы і дзяўчаты, усё прайшло ў атмасферы свята, нацыянальнай беларускай традыцыі і гонару за ўласную смеласць. Большасць удзельнікаў да месца збору дабіраліся сваім ходам прама ў жаночых строях, грамадскім транспартам, што праўда не выклікала непакою і абурэння іншых пасажыраў.

Падчас акцыі здарэнняў не было, акцыя прайшла пазітыўна, людзі ўспрымалі пераапранутых хлопцаў вельмі цёпла, шчыра, гамафобныя і трансафобныя пасылы адсутнічалі. Наадварот, удзельнікі акцыі ўсё больш сустракаліся з добразычлівасцю і ўсмешкамі, ці, нават, атрымлівалі штосьці ў падарунак, у тым ліку ад выпадковых мінакоў.

Па словах удзельніцы Транс-Калядак Фросі, акцыя ўдалася, у далейшым яна была бы рада паўдзельнічаць у паўторным падобным мерапрыемстве. Яна задаволеная тым, што сёння зрабілі калядоўшчыкі і тым, што сёння было назбірана.

Пасля Транс-Калядак гаманкі карнавал амаль у поўным складзе накіраваўся ў клуб “Люцік”, дзе калядоўшчыцы працягнулі свае гулянкі, пляскі і іншыя забавы. Дырэктар клубу таксама павіншаваў і пачаставаў калядоўшчыкаў. Удзельнікі Транс-Калядак вельмі каларытна ўпісаліся ў гарачую клубную калядную вечарыну і зарадзілі яе яшчэ большай энэргіяй.

Каментар аўтара ідэі і арганізатара Транс-Калядак-2009 Сяргея АНДРОСЕНКІ: "Акцыя выканала сваю задачу, мы не толькі выказалі сваю прыязнасць і любоў да Беларусі, мы гэта прадэманстравалі ў дзеянні: мы хадзілі па горадзе і спявалі беларускія прыпеўкі, галасілі і танчылі. Не ўсё, магчыма, было зроблена па ўсіх законах традыцыйнага калядавання, але мы стараліся, а калі і ўнеслі нешта сучаснае, то думаю, гэта пойдзе сёння старажытнай традыцыі на карысць. Было вельмі марозна, тым не менш калядавалі на вуліцах каля 2 гадзін. У наступным годзе мы плануем выйсці на паўторнае калядаванне і ўвогуле зрабіць Транс-калядкі традыцыйнай зімовай ЛГБТ-дзеяй у Мінску."

На платформе:

На сцэне каля Нацыяналкі канцэрт травесці дзіў, усе травесці памруць ад зайздрасці:

Мужчына чым багаты, тым і рады падзяліцца з калядоўшчыцамі:

Прыгажуні едуць у клуб з пакункамі і пачастункамі:

Самыя адвязныя чувіхі Мінска:

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць