Навіны » Беларусь » 22 сьнежня 2009 а 23⁰⁹

Вынясенне судовага выраку Сяргею Прадзеду перанесена ў 3 раз

22 снежня ў 11:30 пачаўся судовы разгляд пратакола аб адміністратыўным правапарушэнні паводле ч.1 арт. 23.34 КаАП РБ (парушэнне ўсталяванага парадку арганізацыі ці правядзення схода, мітынгу, вулічнага шэсця, дэманстрацыі, іншага масавага мерапрыемства ці пікетавання) у адносінах да Сяргея Прадзеда . Паседжанне вяла суддзя Аксана Рэлява.

Нагадаем, Сяргей Прадзед быў затрыманы 16 снежня на акцыі ў абарону асуджаных на смерць геяў Ірана, якая ладзілася каля іранскай амбасады ў Мінску.

Суддзёй было вырашана выклікаць сведку з боку абвінавачвання. На суд было вырашана запрасіць аднаго з міліцыянтаў, які рабіў затрыманне актывістаў праваабарончага ЛГБТ-руху каля іранскай амбасады 16 снежня, паседжанне было перанесена на 17:00.

Міліцыянт падчас суда блытаўся з адказамі і было вырашана выклікаць яшчэ аднаго сведку – ахоўніка амбасады. Суд Сяргея Прадзеда было вырашына перанесці ўжо ў трэці раз. Гэтым разам разгляд справы адбудзіцца 23 снежня ў 16:15 у Судзе Савецкага раёна (Лагойскі тракт, 3). Суд адкрыты.
 

Аўтар артыкулу: ГейБеларусь

 Надрукаваць  Адаслаць спасылку сябру  Атрымаць копію  Камэнтаваць