Навіны » Беларусь » 5 красавіка 2009 а 7¹⁰

Заза Напалі выступіла ў «6_А». Беларускі позірк на расійскую травесці–дзіву

Вядомую маскоўскую drag–queen Зазу Напалі чакалі больш за месяц. Было вядома, што яна мусіць наведаць Беларусь у пачатку красавіка. Аб гэтым ГейБеларусі і клубу «6_А» паведаміў вядомы гей–тусоўшчык Мікалай Гарэльчык. Заза Напалі прыехала ў Беларусь выступіць на карпаратыўнай вечарыне з нагоды дня народзінаў, па чутках, ці то заможнага беларускага бізнэсмэна, ці то беларускай выбітнай зоркі. Прынамсі, у клуб «6_А» Зазу прывезлі на шыкоўным пазадарожніку, на якім і забралі.

Адміністрацыя клубу пастаралася зрабіць перабыванне расійскай дзівы ў клубе як мага лепшым і годным.

Калі Заза выйшла на сцэну публіка замерла, такое бачыць удаецца не часта, усе расцяўшы рты чакалі, што ж будзе… Заза нават сама сказала: «Вы все от меня, вижу, чего то ждёте. Хуй поймёшь вас…». Заза Напалі вельмі вульгарна і груба пахабаліла, спрабуючы размаўляць па–беларуску, кідала ўкраінскімі фразамі, распавяла, што год 7–10 таму выступала на Шайбе ( «West World Club») і што Беларусь з таго часу змянілася — папрыгожала. І, вядома, выступіла!

На меркаванне адміністратара клуба Сяргея Андросенкі «касцюм у Зазы шыкоўны, цікава слухаць, але хабаліць яна вельмі вульгарна. Для Масквы, магчыма, адкрыты мат на сцэне — гэта натуральна, для Мінска — гэта чужое. Хаця, безумоўна, я вельмі рад, што Заза наведала наш клуб.»

Беларускія травесці–дзівы не часта могуць дазволіць сабе брыдкаслоўе са сцэны — гэта трэба прымаць за добры знак. Ні Дзіва Андэрса Лі, ні Ліра, ні «Поющие Королевы», ні нават Зара Унд не дазвалялі сабе падкупаць публіку вульгаршчынай.

Паміж людзьмі у клубе адбыўся наступны дыялог, які мы лічым вартым прывесці:
1 чалавек: «Не, надта шмат бруду».
2 чалавек: «Нармальна. Якраз гэта людзі і хочуць бачыць, ім гэта падабаецца. Не тое, што нашы паказваюць…»
1 чалавек: «Ну дык людзям і трахацца падабаецца. Гэта што значыць?».

Можна разглядаць вульгарнасць Зазы Напалі як адну з рысаў расійскай ЛГБТ–субкультуры. Беларуская субкультура мае больш цёплыя адценні.

На меркаванне аднаго з кліентаў клубу «гэта, канешне, смешна было. Але гэта ж рускія».

Расійскі мат — як расійская нацыяльная асаблівасць. Так да гэтага і стаўцеся, але заставайцеся беларусамі.

Нагадаем, клуб «6_А» працуе па чацвяргах з 21:00 да 01:00; па пятніцах, суботах і нядзелях з 23:00 да 05:30. Па пятніцах і суботах у 02:00 шоў-праграмы.

Студэнтам дзённага адзялення па прэд'яўленню студэнцкіх білетаў - уваход абсалютна бясплатны.

Даведкі па працы клуба: +375 29 8630000

17 красавіка ў 19:00 у клубе пройдзе прэм'ера фільма пра гомасэксуальных хрысціян. Уваход на фільм будзе вольным. Паказ арганізуецца пры падтрымцы праекта ГейБеларусь у межах Месяца барацьбы з гамафобіяй. Падрабязней

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць