Навіны » Еўропа » 23 лютага 2010 а 5³²

На Днях Беларусі ў Швецыі абмяркуюць пытанні ЛГБТ

У рамках тыдня Беларусі ў Швецыі, які пройдзе з 23 па 26 лютага ў Стакгольме, нароўні з прэзентацыяй альтэрнатыўнага дакладу ААН, разгляду пытанняў свабоды СМІ і свабоды слова, адкрытага семінара па Усходнім партнёрстве, распрацоўкі новай швецкай афіцыйнай пазіцыі ў дачыненні да Беларусі, пройдзе сустрэча па пытаннях ЛГБТ і правоў чалавека паведамляе сайт Gay.by.

Апошні час швецкі ўрад пачаў надаваць шмат увагі праблемам беларускіх гомасэксуалаў. Так, 26 верасня 2009 прадстаўнікі Пасольствы Швецыі прынялі ўдзел у беларускай міжнароднай канферэнцыі па пытаннях ЛГБТ, якая прайшла ў Мінску. У Беларусі рэалізуецца некалькі праграм, падтрыманых швецкім Урадам.

Неўзабаве, у Мінску пройдзе выстава швецкіх мастачак Ганны Віёлы Халберг і Аннікі Карлссон Рыксан, якія прадставяць свой праект «Стан розуму», які даследуе этычныя, юрыдычныя, сацыяльныя аспекты жыцця лесбіянак і бісэксуальных жанчын у Расіі.

Пра Дні Беларусі ў Швецыі паведамляецца на сайце аднаго з ініцыятараў мерапрыемства - швецкай арганізацыі «Forum Syd», мэта якой - міжнароднае супрацоўніцтва дзеля справядлівасці ў глабальных пытаннях. Што ды супрацоўніцтва «Forum Syd» з Беларусьсю, то, паводле аднаго з лідэраў арганізацыі Анікі Холмберг, галоўны прыярытэт у гэтым напрамку - падтрымка грамадзянскай супольнасці ў краіне.

Менавіта «правы чалавека і грамадзянскай супольнасьці ў Беларусі» стануць адной з галоўных тэмаў мерапрыемства.

У праграме "Беларускіх дзён» - семінары, практыкумы ды культурныя вечарыны.

У мерапрыемстве возьме ўдзел міністар па справах ЭЗ Біргіта Ульсан.

Сярод беларускіх удзельнікаў - актывісты няўрадавых арганізацыяў паведамляе «Радыё «Свабода».

Беларусі ЛГБТ-рух прадставіць рэдактар Беларускага ЛГБТ-партала Gay.by Аляксандр Палуян.

Аўтар артыкулу: ГейБеларусь па матэрыялах прэсы

 Надрукаваць  Адаслаць спасылку сябру  Атрымаць копію  Камэнтаваць