Навіны » Еўропа » 19 ліпеня 2010 а 19⁴⁵

Сяргей Енін у Варшаве: "У Беларусі быць гомасэксуалам - гэта кляймо"

Прадстаўнікі ЛГБТ-руху з Беларусі, Расіі і Украіны распавялі пра свае надзённыя праблемы на канферэнцыі ў Варшаве у межах ЕўраПрайда. Беларусь прадстаўляў намеснік кіраўніка праваабарончага праекта “ГейБеларусь” Сяргей Енін. “Вольнасць, роўнасць, талерантнасць” — лозунг штогадовага фестываля сэкс-меншасцяў Еўрапрайд, які у гэтым годзе прайшоў у Варшаве. Сёлетні Еўрапрайд стаў першым ва Усходняй Еўропе, таму арганізатары ўзнялі і праблемы сэкс-меншасцяў у Беларусі, Украіне і Расіі.

Беларускія лесбіянкі, геі, бісэксуалы і трансгендэры (ЛГБТ) у нашай краіне не маюць ніводнай зарэгістраванай арганізацыі. Улады не даюць ім магчымасці бараніць свае правы, распавёў на адмысловай канферэнцыі намеснік кіраўніка праекта “ГейБеларусь” Сяргей Енін. Дапамагаць асабліва не спяшаецца і апазіцыя.

Сяргей Енін: “Я часта чую: Чаму б вам усім разам з апазіцыяй не аб’яднацца і сказаць, што мы ўсе меншасць? Вы, скажам, беларускамоўная меншасць, я сэксуальная. Аб’ядноўваемся, атрымліваем неслабую кааліцыю, якая мае нейкую сілу. Але ж не. У нас быць гомасэксуалам – гэта кляймо. Я тусуюся з геямі, значыцца я дрэнны”.

Выступ Сяргея Еніна выклікаў асаблівую цікавасць у аўдыторыі і нават пытанні з залі.

Таксама на мерапрыемстве быў Мікалай Аляксееў, кіраўнік Праваабарончага праекта "ГейРасія".

Мерапрыемства наведала не менш за паўсотню чалавек.
 

Аўтар артыкулу: ГейБеларусь, фота: Еўрапейскае радыё для Беларусі

 Надрукаваць  Адаслаць спасылку сябру  Атрымаць копію  Камэнтаваць