Навіны » Minsk Gay Pride » 19 жніўня 2010 а 13³⁵

Арганізатараў Мінскага гей-прайда прынялі ў Амбасадзе Вялікабрытаніі

У сераду 18 жніўня арганізатара Мінскага гей-прайда Сяргей Андросенку і намесніка арганізатара Сяргея Еніна прынялі ў Амбасадзе Вялікабрытаніі ў Мінску. Актывісты наведалі Амбасаду ў пошуках палітычнай падтрымкі Мінскага гей-прайда 2011 і талерантнага стаўлення да ЛГБТ і захавання іх правоў у Беларусі.

Намеснік галавы дыпламатычнай місіі Джым Казэнс, які прыняў гей-актывістаў, сказаў, што падчас ягонай працы ў Беларусі гэта тэма вельмі новая і, безумоўна, улічваючы асаблівае палітычнае становішча ў Беларусі, тое, што краіна не знаходзіцца нават у Радзе Еўропе, значна ўскладняе прасоўванне правоў ЛГБТ у Беларусі, а таксама паўнавартаснае супрацоўніцтва з ЛГБТ-арганізацыямі.

Кіраўнік Праваабарончага праекта «ГейБеларусь» і арганізатар Мінскага гей-прайда Сяргей Андросенка пасля размовы з дыпламатам заявіў, што «мы застаемся рэалістамі, мы не чакаем, што еўрапейскія пасольствы зробяць усю працу за нас, за беларускую ЛГБТ-супольнасць, узровень іх падтрымкі будзе залежаць таксма і ад вынікаў нашай працы і яўнага імкнення да тых каштоўнасцяў, за якія мы выступаем. Але, безумоўна, для нас істотна падтрымка свабодных і дэмакратычных краін, дзе павага да правоў чалавека – не пусты гук».

На сустрэчы у Амбасадзе беларускія актывісты адзначалі, што не высоўваюць зараз дзяржаве патрабаванняў тэрміновай змены заканадаўства, але патрабуюць прызнання базавых грамадзянска-палітычных правоў у Беларусі, права на свабоду сходаў, свабоду асацыяцый і свабоду слова, нават у межах сённяшняга, дастаткова рэпрэсіўнага заканадаўства, на якія па законе і згодна Канстытуцыі маюць права.

Неўзабаве арганізатары Мінскага гей-прайда плануюць наведаць яшчэ шэраг пасольстваў свабодных ад прыгнёту краін, каб знайсці палітычную падтрымку.

Таксама арганізатараў Мінскага гей-прайда ўжо падтрымала вядомая брытанская ЛГБТ-актывістка Clare Bat Dimyon MBE, якая сёлета атрымала дзяржаўную медаль-ўзнагароду Вялікабрытаніі за прасоўванне павагі да правоў геяў, лесбіянак, бісэксуалаў і трансгендарных людзей у Цэнтральнай і Усходняй Еўропе. Менавіта па яе ініцыятыве Амбасады Вялікабрытанні ў некаторых краінах Еўропы, дзе правядзенне фестываляў роўнасці мае дзяржаўнае супрацьстаянне, падчас Прайдаў падымаюць вясёлкавыя сцягі.

Нагадаем, Мінскі гей-прайд 2011 пройдзе з 9 па 12 чэрвеня, публічная акцыя мае адбыцца 11 чэрвеня наступнага года.

Аўтар артыкулу: ГейБеларусь

 Надрукаваць  Адаслаць спасылку сябру  Атрымаць копію  Камэнтаваць