Навіны » «Miss Dziva» » 10 красавіка 2009 а 5²⁷

Пачалася падрыхтоўка Шостага беларускага травесці–конкурса «Miss Dziva–2009»

9 сакавіка на паседжанні праекта ГейБеларсь быў распрацаваны план падрыхтоўкі шостага беларускага конкурса трансвестытаў «Miss Dziva–2009». Апошняя «Miss Dziva» прайшла ажно ў 2003 годзе, у межах пятага Belarus Gay Pride, арганізатарам якога быў сп. Тарлецкі. Апошняй беларускай травесці–каралевай ёсць легендарная Vava Achtung, якая зараз з′ехала на пастаяннае месца жыхарства ў Маскву.

Арганізатарамі ж гэтага конкурса выступяць праект ГейБеларусь і прома–гурт «Чешем Моделей» пры падтрымцы Eurointim.by. Інфармацыйную падтрымку будзе аказваць партал Gay.by. Мерапрыемствы конкурса «Miss Dziva–2009» расцягнуцца на некалькі месяцаў і па задуме арганізатараў абяцаюць ператварыцца ў сапраўднае яскравае беларускае рэаліці–шоў трансвестытаў, за падзеямі якога ўсе змогуць сачыць на сайтах GayBelarus.by і Gay.by. Прыём заявак на ўдзел у конкурсе адкрыецца ўжо бліжэйшым часам.

Арганізатар конкурса Юрась Казачэнка абяцае, што фінал «Miss Dziva–2009» пройдзе ў дастойным месцы і з дастойным журы. Удзельнікам конкурса арганізатары абяцаюць каштоўныя прызы, конкурс таксама будзе мець шэраг розных намінацый, а галоўнаму пераможцу, акрамя ўсяго дастануцца тытул «Miss Dziva–2009», карона і папулярнасць. «Miss Dziva–2009» па задуме арганізатараў мае стаць запамінальнай падзеяй года, глабальным праектам. Ён таксама адзначыў, што арганізатары будуць старацца, каб праект не ператварыўся ў чарговую пустышку, каб усё запланаванае было рэалізавана, і ў Беларусі з'явілася «Miss Dziva–2009».

На фота (belgazeta.by): Вава Ахтунг, апошняя Дзіва Беларусі 

12 красавіка мае прайсці паседжанне Рады ГейБеларусі і арганізатараў «Miss Dziva–2009», на якім будуць зацверджаны правілы і ўмовы конкурса.

Сачыце за навінамі падрыхтоўкі конкурса на беларускіх гей–сайтах.

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць