Навіны » 4 сьнежня 2008 а 6⁰¹

Заснавальнік Міжнароднага дню супрацьстаяньня гамафобіі возьме ўдзел у Славянскім прайдзе

Луі–Жорж Тан, заснавальнік Міжнароднага дня супрацьстаяньня гамафобіі, падтрымаў Славянскі гей–прайд у Маскве і мае намер прыняць у ім удзел. Таксама ён лічыць сувязь прайду з «Эўрабачаньнем» добрай ідэяй.

Заснавальнік Міжнароднага дня супрацьстаяньня гамафобіі IDAHO і прэзідэнт Камітэту IDAHO французскі дасьледчык і грамадзкі дзеяч Луі–Жорж Тан заявіў у інтэрв′ю праэкту GayRussia.Ru, што ён цалкам падтрымлівае намер правесьці ў траўні будучага году ў Маскве ў дзень фіналу конкурсу «Эўрабачаньне» Славянскі гей–прайд, падкрэсьліўшы, што ён сам плянуе прыняць у ім удзел.

У інтэрв′ю, запісаным у Парыжы ў мінулую пятніцу 28 лістапада, Луі–Жорж Тан заявіў: «Я вельмі рады ведаць аб тым, што ў Маскве каля «Эўрабачаньня» пройдзе такая выдатная падзея. Сувязь двух мерапрыемстваў уяўляецца мне вельмі добрай ідэяй. Таму, вядома ж, я бы жадаў прыняць удзел, і я думаю, што я павінен быць там. Я думаю, што мы павінны выкарыстаць любую магчымасьць для асьветы. Так што, калі гэта «Эўрабачаньне», любы іншы фэст у сьвеце, мы павінны таксама быць там, каб заявіць аб ЛГБТ–правах… Так атрымалася, што конкурс пройдзе ў траўні, таму мы можам правесьці сувязь і быць там таксама».

Луі–Жорж Тан адзначыў, што дата 16 траўня 2009 года, калі ў расейскай сталіцы адбудзецца фінал «Эўрабачаньня» зьяўляецца ідэальнай, паколькі Міжнародны дзень супрацьстаяньня гамафобіі будзе на наступны дзень. У сувязі з гэтым гей–актывісты маюць намер правесьці ў расейскай сталіцы другую канфэрэнцыю IDAHO.

На пытаньне Мікалая Аляксеева аб тым, што некаторыя вінавацяць гей–актывістаў у выкарыстаньні брэнду «Эўрабачаньня» для прасоўвання сваіх інтарэсаў, прэзідэнт IDAHO заявіў: «Я думаю, што за правы чалавека насамрэч трэба бароцца на любой плятформе. Калі людзі паміраюць, мне падаецца шакавальным гаварыць «О, калі ласка, памірайце ў іншым месцы!» Таму мне ўяўляецца важным выкарыстоўваць любую магчымасьць. Мне падаецца, што людзі, якія гэта гавораць, насамрэч не разумеюць што яны гавораць».

На меркаваньне Луі–Жоржа Тана, «людзі, якія прасоўваюць культуру, павінны быць радыя, бачыць, што культура і правы чалавека могуць ісьці побач. Я вельмі падтрымліваю культуру, але я б не жадаў прымаць удзел у культурным мерапрыемстве, якое адпрэчвае правы чалавека».

Нагадаем, што ў траўні 2006 года ў Маскве ў рамках першага гей–прайду ў расейскай сталіцы адбылася першая ў гісторыі усясьветная канфэрэнцыя Міжнароднага дня супрацьстаяньня гамафобіі. Луі–Жорж Тан прымаў удзел ня толькі ў канфэрэнцыі, але і ў публічнай акцыі прайду каля мэрыі Масквы 27 траўня 2006 года.

Праект GayRussia.Ru з моманту ўстановы Міжнароднага дня супрацьстаяньня гамафобіі зьяўляецца каардынатарам гэтага дня на тэрыторыі Расеі.

Ідэя стварэньня руху Славянскага гей–прайду была зацьверджаная падчас аб′яднальнай сустрэчы расейскіх і беларускіх гей–актывістаў, якая адбылася ў сярэдзіне лістапада ў Менску.

Паводле GayRussia.Ru

Аўтар артыкулу: Сяргей

 Надрукаваць  Адаслаць спасылку сябру  Атрымаць копію  Камэнтаваць