Навіны » Slavic Pride » 18 траўня 2010 а 18³⁴

Беларускія праваабаронцы прызналі разгон гей-прайда парушэннем права на свабоду мірных сходаў і праявай дыскрымінацыі

15 траўня 2010 прадстаўнікі МУС гвалтоўна спынілі мірнае шэсце аткывістаў руху за правы ЛГБТ. Напярэдадні Мінгарвыканкам забараніў яго правядзенне па фармальнай прычыне і не прадаставіў магчымасці правядзення шэсця ў іншым, задавальняючым абодва бакі месцы.

У звязку з гэтым Праваабарончы цэнтр «Вясна» і Беларускай Хельсінскі Камітэт лічаць дзеянні беларускіх уладаў парушэннем канстытуцыйных правоў удзельнікаў шэсця, а таксама міжнародных нормаў у галіне правоў чалавека.

Паводле Канстытуцыі Рэспублікі Беларусь кожнаму грамадзяніну гарантуецца свабода меркаванняў, перакананняў і іх свабоднае выражэнне, а таксама свабода мірных сходаў шэсцяў, дэманстрацый і пікетаванняў. Канстытуцыя Беларусі забараняе ўсялякага кшталту дыскрымінацыю грамадзянаў.

Свабода мірных сходаў і забарона дыскрымінацыі па якой не было б падставе ўтрымліваецца ў арт. 22 і 26 Міжнароднага Пакта аб грамадзянскіх і палітычных правах, абавязацельствы па выкананні якога былі добраахвотна ўзятыя Рэспублікай Беларусь.

Праваабаронцы ў чарговы раз заклікае ўлады Беларусі да павагі правоў чалавека і забеспячэння свабоды мірных сходаў і выказвання свайго меркавання усім грамадзянам, без усялякай дыскрымінацыі па якіх бы то не было прыкметах, у тым ліку па прыкмеце сэксуальнай арыентацыі.

Праваабарончы цэнтр “Вясна” таксама адзначае, што падобныя дзеянні ўладаў не спрыяюць змяншэнню ўзроўню гамафобіі ў беларускім грамадстве.
 

Аўтар артыкулу: ГейБеларусь

 Надрукаваць  Адаслаць спасылку сябру  Атрымаць копію  Камэнтары